Skip to main content

Tella အသိုင်းအဝိုင်းခေါ်ဆိုမှုများ

ဘာလဲ

Horizontal သည် သုံးစွဲသူများ၊ လုပ်ဖော်ကိုင်ဖက်များ သို့မဟုတ် Tella ကို စိတ်ဝင်စားသူတိုင်းနှင့် အသိုင်းအဝိုင်းခေါ်ဆိုမှုတစ်ခုကို လစဉ် လက်ခံဆောင်ရွက်ပေးပါသည်။ ဤခေါ်ဆိုမှုများအတွင်း ကျွန်ုပ်တို့သည် -

  • Tella ၏ အင်္ဂါရပ်အသစ်များ ပြသသည်
  • လမ်းပြမြေပုံများနှင့် ရှေ့လာမည့် တိုးတက်မှုများကို မျှဝေသည်
  • အသုံးပြုသူများသိလိုသော မေးခွန်းများကို ဖြေကြားပေးသည်
  • ကျွန်ုပ်တို့၏ အစီအစဉ်တွင် ထည့်သွင်းနိုင်ရန် အင်္ဂါရပ်အသစ်များအတွက် အကြံပြုချက်များနှင့် တောင်းဆိုချက်များကို နားထောင်ပေးသည်
  • Tella ကို ကိုယ်တိုင်အသုံးပြုရသည့် အတွေ့အကြုံနှင့် လေ့လာသိရှိမှုများကို မျှဝေပေးသော ဧည့်သည်ပြောကြားသူများကို လက်ခံပေးသည်

ဘယ်အချိန်လဲ

အသိုင်းအဝိုင်းခေါ်ဆိုမှုများကို လစဉ် ပထမ ဗုဒ္ဓဟူးနေ့ ညနေ ၃ နာရီ GMT တွင် ကျင်းပပါသည်။

ဘယ်နေရာလဲ

ကျွန်ုပ်တို့၏ အသိုင်းအဝိုင်းခေါ်ဆိုမှုများကို ကိုယ်ရေးလုံခြုံမှု အလေးထားသော၊ ပွင့်လင်းအရင်းအမြစ် ဗီဒီယိုခေါ်ဆိုမှု ပလက်ဖောင်းဖြစ်သည့် Jitsi တွင် ပြုလုပ်ပါသည်။

ဤလင့်ခ် https://meet.jit.si/moderated/72928f9f16445dfc04dfbba14cb65fecd979f68cb053ddae3cc936192063471f ကို အသုံးပြု၍ ခေါ်ဆိုမှုတွင် ပါဝင်နိုင်သည်။

ဘေးကင်းလုံခြုံရေးနှင့် ကိုယ်ရေးလုံခြုံမှု

Important

ပါဝင်သူအားလုံး၏ ဘေးကင်းမှုကို သေချာစေရန် Tella အသိုင်းအဝိုင်းခေါ်ဆိုမှုများတွင် ပါဝင်သူ မည်သူမဆို Horizontal ၏ ကျင့်ဝတ်ကျင့်ထုံး ကို လိုက်နာရန် သဘောတူရမည်။ ကျေးဇူးပြု၍ ၎င်းနှင့်ရင်းနှီးရန် အချိန်အနည်းငယ်ယူပါ။

Tella အသိုင်းအဝိုင်းခေါ်ဆိုမှုများကို Jitsi Meet ၏ အများနှင့်ဆိုင်သော ဖြစ်ရပ်တွင် လက်ခံဆောင်ရွက်ပေးပါသည်။ Jitsi သည် အကောင့်ဖွင့်ရန် မလိုအပ်ဘဲ အသုံးပြုသူများ၏ ဒေတာများကို စုဆောင်းထိန်းသိမ်းထားခြင်းမရှိပါ။ သို့သော် အစည်းအဝေးသို့ လင့်ခ်ကို လူသိရှင်ကြား ကျယ်ပြန့်စွာ မျှဝေပါသည်။ သင့်လုံခြုံရေးအတွက် အရေးကြီးပါက သင် မည်သူဖြစ်ကြောင်း ဝှက်ထားရန် ကြိုတင်ကာကွယ်မှုများ ပြုလုပ်ပြီး (ဥပမာ- သင်သည် ကလောင်အမည်ကို သုံးနိုင်သည်) ဖုန်းခေါ်ဆိုစဉ်အတွင်း ထိရှလွယ်သောအချက်အလက်များကို မျှဝေခြင်းမှ ရှောင်ကြဉ်ပါ။

Horizontal သည် အသိုင်းအဝိုင်းခေါ်ဆိုမှုများအတွင်း စကားဝိုင်းများ၊ မေးခွန်းများ၊ မှတ်ချက်များနှင့် ပတ်သက်သည့် အချို့အကြောင်းအရာများကို မှတ်ထားနိုင်သော်လည်း ကျွန်ုပ်တို့သည် ပါဝင်သူများ (အမည် သို့မဟုတ် အဖွဲ့အစည်း) အကြောင်း ပုဂ္ဂိုလ်ရေးအရ မည်သူဖြစ်ကြောင်း သိရှိနိုင်သော အချက်အလက်များကို Horizontal ပြင်ပရှိ မည်သူနှင့်မျှ မှတ်တမ်းတင်ခြင်း သို့မဟုတ် မျှဝေခြင်းပြုလုပ်မည် မဟုတ်ပါ။

(ဆန္ဒအလျောက် မျှဝေသည့်အခါ ပါဝင်သူအရေအတွက်နှင့် ၎င်းတို့၏ နိုင်ငံ သို့မဟုတ် ဒေသကဲ့သို့) ခေါ်ဆိုမှုနှင့်ပတ်သက်သော ယေဘုယျအချက်အလက်များကို ကျွန်ုပ်တို့ စုဆောင်းနိုင်ပြီး ချွတ်ယွင်းချက်အစီရင်ခံစာများ သို့မဟုတ် လုပ်ဆောင်ချက်တောင်းဆိုမှုများအပေါ် နောက်ဆက်တွဲမေးမြန်းရန်အတွက် ပါဝင်သူအမည်နှင့် ဆက်သွယ်ရန် အချက်အလက်များကို မှတ်သားထားနိုင်သည်။